R€GANO$A IL€GAL: CONCENTRACIÓN EN FERROLTERRA,"IGUALDADE, CORRESPONSABILIDADE E PARIDADE

28 feb 2011

CONCENTRACIÓN EN FERROLTERRA,"IGUALDADE, CORRESPONSABILIDADE E PARIDADE - VALORES PARA OUTRO MUNDO POSÍBEL"

MARCHA MUNDIAL DAS MULLERES

CELEBRACIÓN DO DÍA INTERNACIONAL DAS MULLERES

"IGUALDADE, CORRESPONSABILIDADE E PARIDADE - VALORES PARA OUTRO MUNDO POSÍBEL"

CONCENTRACIÓN EN FERROLTERRA

DOMINGO 6 DE MARZO ÁS 12.30 HORAS

CANTÓN DE MOLÍNS (FERROL)

Os momentos de crise económica historicamente serviron para reforzar o patriarcado. Os recortes sociais, económicos e nos dereitos laborais sempre van acompañados dos recortes nos dereitos das mulleres e paralelamente dos ideais de xustiza e igualdade.

Reformas laborais, das pensións, recortes salariais, despidos masivos, privatizacións de servizos públicos, recortes de gastos sociais... súmanse a un desmantelamento, rápido e sen pausa, de todas aquelas estruturas que nas institucións estaban servindo para aplicar as políticas de igualdade (Ministerio, Servizo Galego de Igualdade, Centros de Información á Muller).

É por isto que nestes tempos o feminismo ten que combinar esforzos co resto das organizacións sociais, políticas, sindicais, ecoloxistas, relixiosas, veciñais e culturais... e estas co feminismo, para parar o desmantelamento dos dereitos de cidadanía das mulleres e frear os recortes sociais e laborais que limitan as nosas vi das e as das xeracións futuras.

MARCHA MUNDIAL DAS MULLERES - FERROLTERRA