Fotos das Manifestacións do 1º de Maio 2016

Ligazón

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Ofrenda Floral, 10 de Marzo 2016

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Manifestación en defensa do sector naval celebrada hoxe en Ferrol

Evia e Silveira

Cunha marcada tinguidura electoralista, e en contra dos DESgobernos autonómico e central do P€P€, tivo lugar a manifestación en defensa do sector naval. Esta partía ás 12:00 do mediodía dende o Inferniño rumbo á Praza de Galicia, onde se deu lectura ao manifesto de indignación. Cabe destacar a presenza das "cúpulas" de varios partidos, así como a de varios alcaldes da comarca, entre eles; Secundino Casal, San Sadurniño, e Jorge Suárez, Ferrol.

A mobilización pódese considerar un fracaso, pois a pesar de contar co apoio do sector gandeiro, que fixeron acto de presenza cos seus tractores, a duras penas 5.000 manifestantes, dos cales tan só chegaron á praza o 50% deles.

O máis vergoñoso foi que o Sr Evia, concelleiro do P€P€, e o seu inseparable amigo, o empresario Sr. Silveira, deixásense ver fumando un pitillo ás portas dunha cafetería mentres o pobo loita por acadar dignidade para Ferrolterra.






This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

O Naval de Ferrolterra convoca a toda a cidadanía a participar nunha gran manifestación comarcal

O Naval de Ferrolterra convoca a toda a cidadanía a participar nunha gran manifestación comarcal que terá lugar o domingo, 13 de decembro, esta partirá dende o Inferniño ás 12:00 h. 






This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

O 10 de Marzo máis raro e aburrido dos últimos anos.

A hora tardía das manifestacións desluciu o que tiña que ser unha festa, malia todo, cumpriuse o trámite e tamén boteime unhas risas.

Na Praza de Armas, tiña lugar a concentración de CC.OO, este ano en solitario sen a participación da USTG nin UGT. Pero tiveron compañía extra, Rafael Pillado (ex-militante do PCG, ex-militante do PSOE, ex-simpatizante de AGE, asinante da "Marea Ártabra", e participante en PODEMOS), capitaneaba a pancarta dos que pretenden dar un golpe de estado en CC.OO. O lema desta rezaba: "1972 - Ditadura - Democracia secuestrada - por unhas CC.OO combativas,"

Parece que moitos descoñecen quenes foron os traidores ao ideario comunista!!

Por outro lado, e en Terra Hostil (Praza de Amboage) finalizaba a manifestación da CIG, coa presenza e intervención de Suso Seixo, secretario xeral do sindicato. 

A anécdota na "bancada", un espectador inusual e en "fóra de xogo", Celso Posada, persoa que aspiraba a liderar o PSOE provincial, pero o pobre non conseguiu o 20% do censo do partido na provincia para avalar a súa candidatura. (Si buscaba avales non veu ao lugar axeitado). 



This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

O Manifestódromo de Ferrol retoma a súa actividade!!

Non foi sen tempo!! despois de meses a velas vir, o Naval de Ferrol volta a tomas as rúas.

@s traballadores/as do astaleiro fixeron un peche dentro da factoría ata ás 18:30 h. intre no que partiron cara ao Concello, onde celebrabase o pleno ordinario de fin de mes.  Mentras na praza concentrabanse unhas 800 persoas, unha pequena representación sindical repartíu un escrito entre os distint@s concelleir@s, no cal pedíase a dimisión do aínda Alcalde de Ferrol

No mesmo Pleno protestaban @s traballadores/as de "Cleanet", empresa que presta os servizos de limpeza para a Armada. Dous meses sen cobrar e sin obter resposta por parte da empresa nin de defensa fai que estes/as traballadores/as pidan agora respostas o DESgoberno local do P€P€.

QUE DURE A FESTA!!

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Outro fiasco Alianza Social

Penosa manifestación DESorganizada pola Alianza Social, na que apenas unhas 300 persoas manifestaronse contra a "Lei Mordaza" que vai aprobar o P€P€. E menos mal que fixeron algo de "vulto" BNG, CC.OO, e CIG.

Os grandes ausentes, por esta orde: Anova, Espazo EcoSocialista, Esquerda Unida, PSOE.

As leis franquistas que pode aprobar o P€P€ xa non asustan á cidadanía, o que asusta é a indiferenza dos axentes sociais que terían que estar a velar polos nosos dereitos.

Parece cos sindicatos perdesen capacidade de elaborar e distribuír propaganda subversiva, igual ata vénlles ben esta lei para espertar, igual traballan mellor na clandestinidade, cando os ilegalicen.



This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

O domingo en Ferrol, manifestación contra a "lei mordaza"

A Alianza Social Galega convoca para o vindeiro domingo, día 23 de novembro, mobilizacións contra a reforma da Lei de seguridade cidadá, coñecida como "lei mordaza". Haberá manifestacións na Coruña, Ferrol, Compostela, Lugo, Monforte de Lemos, Ourense, Pontevedra, Vilagarcía de Arousa e Vigo. 

A de Ferrol sairá ás 12:00 h. dende a Praza de España

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Navantia sen traballo, sen dereitos, e sen compañeir@s

O pasado día 9 de setembro, asinouse o ANTICONVENIO de Navantia, quenes o asinaron o fixeron dende a convicion que non lles vai afectar a eles nin as súas fanilias, aínda que si pode afectarnos as tódol@s traballadores/as de Navantia e as nosas fanilias, saben que non van a ter represalias, saben que os traballadores/ras somos civiliados, saben que poderan seguir facendo o mesmo na maís absoluta impunidade.

@s asinantes do anticonvenio son:

Pola empresa:
Juana Maria Fernandez Martin do Campo
Alberto Cavilla Peñalver
Jose Carlos Piñeiro Freire.
Jeronimo Garcia Albadalejo
Alvaro Tello Elordi
Mª Remedios Diaz Montero.
Esteban Gallego Tortuero
Diana Ruiz-Gimenez Gomez
Mercedes Dolarea Romero

Por parte da empresa pero designados polos sindicatos:
Jose Antonio Oliva Gomez
Ramon Linares Corbacho
Ignacio Briones Armero
Ricardo Bengoechea Garcia
Juan Bedeli Diez
 Eduardo Aranda Marinez
Diego Alfaro Falcoon

Todos estes datos son públicos e pódense ver nas actas correspondentes a asinatura do ANTICONVENIO de Navantia

Catro membros do comité de empresa de Navantia, un por cada sindicato con representación no astillero de Ferrol, desprazáronse onte á Dirección Xeral de Traballo da Xunta para entregar a documentación do expediente administrativo interposto para impugnar a firma do IV convenio colectivo de Navantia que tivo lugar o martes en Madrid. A decisión de acudir á vía xudicial para tratar de tombar o acordo xa foi adiantada ese mesmo día polos membros da comisión negociadora, pero non se tomou de xeito oficial ata o día seguinte. Os 25 integrantes do comité de empresa de Navantia Ferrol apoiaron esta medida. 

Os sindicatos informaron de que a partir deste momento ábrese un prazo de quince días no que o mencionado organismo pode iniciar de oficio a impugnación ou desestimar a petición. Se é negativa ás demandas do comité, este non rexeita a posibilidade de acudir á vía xudicial. 

A impugnación vén motivada polo feito de que os catro delegados de CC.OO. que votaron favorablemente o convenio foran desautorizados pola Federación de Industria dese sindicato. Eses delegados e a dirección da compañía consideraron que si tiñan potestade para asinar ese pacto laboral, entendendo que o comité intercentros pode designar os representantes na mesa negociadora, cuestión que rexeitan os sindicatos dos comités de Ferrol.

Fontes:
Antonio R. 
Diario de Ferrol
La Voz de Galicia

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Resumo da manifestación unitaria contra a represión sindical

Hoxe celebrouse unha manifestación unitaria contra a represión sindical, e polo indulto de Ana, Támara, Serafín e Carlos, @s catro compañeir@s condeados con penas de prisión por ter defendido os dereitos d@s traballadores/as.

O resumo desta é "peor imposible", malia contar co apoio unitario dos sindicatos apenas mobilizou a 400 persoas.

@s "Imbéciles e escuros" 
Refirome @s miles de traballadores/as e desempregad@s de Ferrol que quedan nas súas casas mentres uns compañeir@s van ser privados da súa liberdade.

Onde están @s desempregad@s do sector naval, ex-clase media acomodada que tanto defendimos?....

Chegará o día que rematen as prestacións e véxanse coa neveira baleira, daquela.. quizais.. esperten.




This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Hoxe luns, ás 20:00 h. manifestación unitaria contra a represión sindical

Hoxe luns, ás 20:00 h. na praza de España, terá lugar unha manifestación unitaria contra a represión sindical, e polo indulto d@s catro compañeir@s condeados con penas de prisión por defender os dereitos d@s traballadores/as.

Convocan: CIG, CCOO, UGT, USTG.

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Ferrol sae á rúa contra a Monarquía!

Concentración BNG - CIG (Foto BNG)

Sobre 1.000 persoas déronse hoxe cita na Praza de Armas de Ferrol, para pedir o fin da Monarquía. O chamamento realizado en réxime de autoconvocatoria xuntou a distintas sensibilidades políticas da cidade, EU, PCPE, CNT, PODEMOS, CC.OO, UGT, USTG, PSOE, ANOVA, Espazo EcoSocialista, eQuo, Colectivos da Mocidade Comunista, etc..

Non houbo manifesto ningún nin ningún tipo de intervención pública.

Praza de Armas

Á mesma hora, o BNG e a CIG, abarrotaban a Praza do Himno Galego, noutra concentración, baixo o lema "Non máis monarquía! Por unha república galega plenamente soberana".







This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Resumo do 1º de Maio en Ferrol

Dúas manifestacións case parellas pero cada unha polo seu lado, a da CIG reuniu sobre 3.000 manifestantes, e a convocada por CC.OO, UGT, e USTG pouco máis de 3.000. Agora tócalle aos sindicatos realizar unha valoración destas, ao meu modo de ver a da CIG estivo algo máis animada que en anos anteriores, e a dos outros tres sindicatos, sentíndoo moito, foi un auténtico fracaso.

Á conclusión da manifestación de CC.OO, UGT, e USTG, dous

membros da a.C Fuco Buxán, megáfono en man, Rafael Pillado Lista, e Manuel A. Rodríguez Carballeira (Lalán), dirixíronse aos asistentes anunciando que ían protagonizar unha protesta cidadá, que ía consistir en rodear o Concello portando velas, e que esta se mantería durante todo o día.

Este acto anuncieino como unha convocatoria das "Marchas pola Dignidade", pero tal como me confirmaron hoxe varios compañeiros que participan nestas, PARA NADA ten que ver coas "Marchas".




This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Manifestacións do 1º de Maio

A manifestación da CIG, partirá ás 11.30 h. dende a sede do sindicato, na Avda. de Esteiro, e finalizará na praza vella de Ferrol Vello, lugar que simboliza a ruína da cidade. 

Por outra parte, ás 12:00 h. dende o Inferniño, sairá a manifestación de CC.OO., UGT e a USTG, e finalizará na Praza de Armas.

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

8.000 cidadáns, e dez indesexables, maniféstanse en Ferrol en defensa do sector Naval.

Manifestación celebrada hoxe en Ferrol en apoio ao sector Naval. A asistencia foi moi inferior ao esperado, case pódese cualificar de pésima, pois non creo que se chegase a 8.000 persoas, o que representa sobre un 10% da poboación total de Ferrol, cantidade da que habería que descontar a asistencia doutras localidades.
Desta vez a "culpa" non pódeselle atribuír á falta de información, pois constame cos sindicatos envorcaronse en publicitala.

Varios deputados decidiron arroupar o acto, entre eles; Juan Manuel Fajardo, e Yolanda Díaz, do grupo parlamentario AGE; Francisco Jorquera, do BNG; e Beatriz Sestayo, do PSOE. E tamén algún alcalde da bisbarra, como Secundino García, alcalde de San Sadurniño.

P€p€ros que participaron

O aínda alcalde de Ferrol, José Manuel Rey Varela, realizou fai uns días un chamamento sumándose a esta convocatoria, pero non tivo collóns abondo como para aparecer. E máis valeulle, pois varios compañeir@s tiñan pensado mantealo no medio da praza. Os que si tiveron jeta foron outros p€p€ros, entre eles Germán Castrillón, alcalde de Cabanas; e Gumersindo Pedro Galego Feal, alcalde de Fene; (Estes xa non contan, pois son desvergoñados habitualmente).

A lectura do manifesto correu a cargo de Germán Castro, ex director do Diario de Ferrol, que tivo palabras de verdadeiro desacougo sobre situación actual que padece Ferrolterra, dixo que "Nunca viviuse unha situación tan dramática nos astaleiros". Tamén recordou que esta crise destruíu outros miles de traballos doutros sectores, como é o caso do xornalismo.






This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Últimos cartuchos na defensa do sector naval

Este domingo, 30 de marzo, os sindicatos de Ferrol queiman un dos seus últimos cartuchos, achégase a Semana Santa, e queiramos ou non, é a data na que inconscientemente cambiamos o chip, e xa empezamos a facer plans para o verán. Necesítase con urxencia unha convocatoria unitaria de folga xeral local. A falta de traballo na bisbarra é motivo dabondo ( Sobre17.000 desempregad@s ).

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

O Naval de Ferrol e Fene levan as protestas ao concello fenés.

Hoxe @s traballadores/as de Navantia e das súas empresas auxiliares de Ferrol e Fene, estaban convocados a manter un encerro ata as 16:00 h., momento no que saían tod@s nunha marcha de Ferrol con dirección ao concello de Fene. O percorrido foi pola Avda. de Esteiro, A Trinchera, polígono da Gándara, e ponte de As Pías, lugar de encontro entre a marcha de Ferrol e a procedente de Fene, posteriormente xuntas marcharon cara ao concello fenés, onde se deu lectura a un manifesto de indignación.

O próximo xoves, día 27 de marzo, está convocada unha concentración diante da sede de Facenda, de As Telleiras.





This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Os suspensos do 10 de Marzo.

Tod@s suspendemos este primeiro asalto do ano, sindicatos, partidos, traballadores/ás, desempregad@s, estudantes, e funcionari@s.

Un Dez de Marzo triste como non recordabamos, entre as dúas manifestacións convocadas para hoxe, apenas sumaronse 2.000 persoas. De nada serviu contar a presenza do secretario xeral de CC.OO de Galicia, José Manuel Sánchez Aguión, e o da CIG, Suso Seixo.

Algo está a fallar cando @s 17.000 desempregad@s de Ferrolterra deciden quedar na casa, demostran con apatía as vibracións que lles transmiten os sindicatos. Estes últimos, están en débeda con tod@s nós, pois eles teñen a obriga de ser os garantes capaces de organizar unha revolta de desobediencia civil democrática, ... vai sendo hora!!.







This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

O alcalde de Ferrol abucheado na ofrenda floral do "10 de Marzo"

Hoxe a cidade de Ferrol conmemora o Dia da Clase Obreira Galega, os actos comenzaron ás 11:30 h., co acto institucional da ofrenda  floral no monumento "10 de Marzo", en homenaxe a Amador e a Daniel. Cando foi o turno para falar o alcalde, comenzaronse a escoitar berros e este non foi quen de pronunciar palabra.

No acto tamén estivo presente o secretario xeral de CC.OO. de Galiza, .

A CIG realizou ás 12:30 h. a súa propia ofrenda, pois non queren participar do paripé institucional.

Esta tarde, ás 19:30 h. terá lugar a manifestación convocada por CC.OO., UGT e USTG , con saída dende o monumento "10 de Marzo", e rematará na praza de Armas. Por outro lado a CIG convoca ás 20:00 h. outra que partirá dende a súa sede en Esteiro e rematará no Palco da Música, no Cantón.




This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Ofrenda floral e manifestación do "Dez de Marzo", convocan CC.OO, UGT e USTG

CC.OO, UGT e USTG farán o vindeiro luns, 10 de Marzo, "Día dá Clase Obreira Galega", ás 11.30 h. a ofrenda floral no monumento do Dez de Marzo, no Pilar. Xa á tarde, ás 19.30 h. partirá dende ese mesmo sitio unha manifestación que culminará na praza de Armas, baixo o lema "Contra a exclusión e a pobreza, só unha solución: crecemento e emprego".  


This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.