Liberdade de Bastida, coa axuda de tod@s obxetivo cumplido

No nome do CCE ¡ 

GRAZAS! 

A axuda solidaria impedíu a entrada de Bastida no cárcere O CCE manifesta o seu agradecemento a todas as persoas, que de forma individual, e a todas as formacións políticas e entidades cívicas (EU, Anova, Espazo Ecosocialista, A Revolta de Trasancos, Fuco Buxán, Colectivo Artabra 21, Adega, Plataforma de veciños “O Cruceiro de Mehá”), que de xeito colectivo, contribuiron coa súa axuda solidaria, a alcanzar os 4.995,25 €, cos que se cubríron con creces os recursos necesarios para impedir que Bernardo Bastida entre no cárcere.

O CCE promoveu, en maio do 2007, a acción pola que foi condenado Bastida, o bloqueo da entrada na Ría do primeiro gaseiro cargado con GNL, nela participamos centos de persoas e a través da cal transcendeu mais aló da nosa comarca a barbaridade da planta de Reganosa, rompéndose os muros de silencio que invisibilizaban a nosa loita. Unha loita colectiva non podía admitir a condena dun só compañeiro, así o entenderon as persoas e entidades que mostraron a súa corresponsabilidade en apoio solidario.

Catorce anos de loita, de mobilización permanente en defensa da vida, da legalidade e da Ría. O caso da Planta de Gas de Reganosa é un proceso continuado de corrupción política-financieira. O pasado 18 de Xullo, celebrábamos a 8ª Marcha a Pé a Mugardos baixo o lema “ Móvete contra a impunidade”. Rexeitada polo Tribunal a autoinculpación de decenas de persoas que participamos no bloqueo da Ría, é indignante observar a condena de Bastida, namentres os corruptos, os responsables de tamaña barbaridade campan con total impunidade. Algúns son premiados incluso, como Jose Luis Mendez ex-Presidente de Caixa Galicia, no Consello de Administración de Reganosa.

Nestes últimos tempos o Comité Cidadán de Emerxencia, ten que facer fronte a outra dificultade engadida. O Goberno do PP, de Rajoy e de Gallardón, promoveron una contrarreforma xudicial ( novas taxas etc…) coa que tentan impedir o acceso da cidadanía á xustiza e favorecer así a impunidade das grandes empresas e corporacións, como é o caso de Reganosa. O CCE, que promove a mobilización permanente, con concentracións a cada entrada de gaseiro cargado con GNL na Ria, ten interpostos varios contenciosos xudiciais contra a planta de gas de Reganosa. O seu sostén require agora de máis recursos económicos, de aí que prosigamos coa campaña para a obtención dos mesmos e o sobrante do recaudado para salvaguardar a liberdade de Bastida se destine a este fin.

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

O Encontro Social de Ferrolterra debe a un compañeiro 332 € hai máis de ano e medio

O compañeiro afectado é o Sr. Maceira, que adiantou no seu día esta cantidade de diñeiro para o cambio dunhas pechaduras. Baixo o compromiso de que este diñeiro repoñeríaselle en breve, pero pasado máis dun ano e medio aínda non lle deron nin 1 €.

Dende o Encontro Social, actualmente composto pola a.C Fuco Buxán, A Revolta de Trasancos, e o Colectivo Ártabra21, o Sr. Inácio dille; que ese diñeiro o ten a Sra María Xesús, (actualmente desactivada da loita social) e ela alega que soamente ten 100 € que se recadaron.

Non entendo como o Encontro Social non repón esta débeda, como tampouco entendo que fai esta Sra cun carto que non lle pertence, soamente espero que a este bo compañeiro repoñaselle a cantidade integra que se lle adeuda.

Anexo (7-06-2014): 
A Sra María Xesús acaba de darlle a este compañeiro 130 € que pertencian ao "Encontro Social".

Só quedan 202 € por repoñer, agardemos que sexa máis pronto que tarde!!

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

O VOCEIRO da "Terra Media".

O pasado martes, día 18 de marzo,  en Compostela, facíase a entrega no Parlamento Galego, das firmas para a ILP promulgada polas PAHs estatais, entre ela a PAH de Ferrol. 

O acto consistiu nunha concentración diante do Parlamento, e vari@s compañeir@s das PAHs, PROMOTORES dá ILP entrarían a rexistrala. Pero unha persoa malintencionada, ávida de protagonismo e ansiosa de falar os micrófonos, "cóase" no lugar e asina en vez da PAH. Este "Sr. voceiro" non é outro que Inácio M. O.

@s tres compañeir@s que ían en representación da Plataforma de Afectados pola Hipoteca de Ferrolterra sentíronse ningunead@s, e humillad@s. 
Como dicíame unha compañeira; 
"Non imos consentir "que se secuestren o noso traballo e identidade"

Lembremos que a Asociación PAH Ferrolterra, aglutina o 100% d@s afectad@s, dá cobertura legal e gratuíta ao 100% d@s afectad@s, e que xestiona "Alimentos Solidarios Ferrolterra" (Dando alimentos e roupa a familias moi necesitadas) 



Os intereses que teñen os "Habitantes da Terra Media", é o de secuestrar as loitas sociais de Ferrol, con varias finalidades;

- Erixirse como voceiros de afectados, tutelando, dirixindo, adoutrinando, e decidindo todo por eles.

- Saír na fotografía para saciar os egos persoais, aspiracións políticas, e adquirir notoriedade como asociacións.

- Réditos políticos, e facer trepar os seús achegados. A "porta de entrada" son os partidos de esquerda, en vista de cos sindicatos fai tempo que decataronse da súa catadura moral. 


Do "Sr. Voceiro":

Baixo ese "perfil" de asembleario, e ese discurso Altermundo, non hai outra finalidade máis que a política, veuse nas súas continuas rabechas, e impugnacións, a última delas foi a unha decisión da Coordenadora Nacional de Anova. É o que busca, posicionarse xunto cos seus en Anova. 

Como vulnerou un acordo asembleario no escrito realizado por esta persoa, baixo o pseudónimo de "Xan do Couto", publicado na a revista que vende Fuco Buxán, "Razón Socialista". 

Nesa mesma denuncia, contei a manipulación feita por este Sr. no desafiuzamento en Cabanas

Como este mesmo "Sr." manipulou a información referida ao -Ciclo de Conferencias; "Ferrol Rexeneración Urbana e Recuperación Económica", organizado pola Federación de Asociacións Veciñais de Ferrol, Roi Xordo, e o Colexio Oficial de Arquitectos de Galicia.


En vista de que seguía facendo comunicados públicos en nome de "Stop Desafiuzamentos Ferrolterra" publiquei isto:

As PAH son as únicas asociacións lexitimadas para falar por e en nome dos afectad@s.

"Stop-Desafiuzamentos" son todos aqueles/as que se boten á rúa cando existe un chamamento de emerxencia social para parar un desaloxo.

Calquera cidadán, colectivo ou asociación, está lexitimado a portar unha pancarta que poña "Stop Desafiuzamentos", pois é un berro social.

Ningún cidadán, colectivo ou asociación, está lexitimado a decir que eles son "Stop Desafiuzamentos". (Excepto no caso das plataformas de afectad@s que decidisen usar esta definición).


Conformación do "DESencontro Social":

O primeiro desafiuzamento público que vaise realizar en Ferrol é o de Gabi, membro da acampada 15 M, seus compañeir@s xa tiñan preparada unha resposta para intentar paralizar ese desaloxo. Ao momento de decatarme de isto contactei con Jesús Díaz, e empezamos a telefonar a compañeir@s de distintos partidos, sindicatos, e colectivos. Deste xeito, e por primeira vez en Ferrol actívase "Stop-Desafiuzamentos". Participando xentes a título persoal, membros do BNG, CC.OO, CIG, CNT, EU, FORXA, PSOE, UGT, USTG, UL, e unha morea de asociacións e colectivos, ou calquera cidadán que viñese a parar un desafiuzamento puntualmente. 

Entón pódese dicir que "Stop-Desafiuzamentos" era unha resposta social de desobediencia civil .

A partir dese momento, case sempre, as alertas producense do mesmo xeito que no primeiro desafiuzamento, e a resposta é sempre unitaria por parte de tod@s. 

ATA QUE.... De tantas loitas en común, e de ver como se perdían dereitos cada día, despois de celebrarse o Foro Social, traballouse para conformar o "Encontro Social", lugar de encontro e debate, dende o que poder entre tod@s construír alternativas e respostas sociais. 

Nun principio empezou todo ben, contando ata coa participación de forzas políticas de esquerda. Fixéronse algunhas cousas, como foi o roupeiro de Caranza, e asembleas, asembleas, asembleas.... Outras cousas xa construídas e en funcionamento, SECUESTRARONSE! coma si estas fosen feitas polo "Encontro Social", tal como foi o blog Axenda Aberta (con máis dun ano en funcionamento), as Hortas Comunitarias de Caranza (propulsadas pola Asemblea de Desempregados da CIG), Alimentos Solidarios, e o que xa era o colmo, secuestrábase un berro social "Stop-Desafiuzamentos". 

A partir daquel intre, e unha vez conformado o "DESencontro Social", eríxense como voceiros de "Stop Desafiuzamentos", deste xeito é como tutelan este "movemento de indignación e acción cidadán". Todo isto sen estar conformados como asociación de afectad@s.

E ahí tedes o DESencontro Social - Rede de Apoio Mutuo - Stop Desafiuzamentos Ferrol Terra - Comisión Dereito a unha Vivenda Digna.


A Terra Media:

Conformábana dúas tribos, a dos "Orcos" e a dos "Trollos", malia convivir en paz entre elas, ambas as dúas eran moi mal avidas. Cada tribo constaba de dous líderes, que eran protexidos fielmente polos seus "Escudeiros"... Hai dous anos, decidían enterrar o machado de guerra e poñer fin a tantos anos de repudio común... Todo discorría en paz... E chegaron as neves, os plátanos, alimento principal da súa dieta, desapareceron, non quedaba outra que aliarse e comezar  xuntos a recolleitar froitos.... Sobreviviron ese inverno, e vendo que íalles ben, decidiron mestizarse, así naceron os "Picaflores", estes eran usados polos líderes para asistir a todas as reunións e eventos organizados polos habitantes do "Bosque Frondoso"...

Continuará.........

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Desaparecerá a Asociación Veciñal de Esteiro despois de 35 anos?

Esta é a parte do comunicado recibido da AA.VV de Esteiro

O vindeiro xoves día 20 de Marzo se celebran as asembleas ordiarias e extaordinaria da AV de Esteiro.

Na asemblea Extraordinaria, como único punto, se elixirá unha nova Xunta Directiva.

O prazo de presentación de candidaturas ou de candidatos/as remataou hoxe día 18 de Marzo, sen que se presentase candidatura nin candidatos ningúns.

A totalidade da actual Xunta Directiva: NON SE PRESENTA Á REELECCIÓN.

No caso de que non houbese ningún candidato, se procederá a elixir una XUNTA XESTORA que, no prazo de dous meses, convocará unha NOVA ASEMBLEA XERAL EXTRAORDINARIA, e no caso de non haber candidatos. NOMEARÁ UNHA COMISIÓN LIQUIDADORA da Asociación Veciñal de Esteiro para proceder á súa DISOLUCIÓN.

Tal e como están as cousas e debido á falla de interese, parece que o destino definitivo é a desaparición da AV de Esteiro en poucos meses.

Pola miña banda teño que engadir; que moit@s @s compañeir@s fumos testigos da campaña de mentiras e insultos contra Miguel, Pte saínte. Os culpables disto foron coma sempre os "Habitantes da Terra Media"

En breve sacarei á luz outra denuncia contra eles de algo MOI GRAVE, que descubrirá aínda máis a esta tropa "Altermundo". De nada vailles servir as súas impugnacións e intentos de ningunear en Anova, nin as reunións co FPG, nin os seus toques de porta e chicos de ollo continuos a outros colectivos.

Máis quixeran eles... que tod@s volvésemos con zocas ao campo, e mentras nós sementamos patacas para eles, estes poden encherse ben os bandullos a conta do noso traballo. 

Seguirán polos séculos dos séculos ocupados en buscarse un acomodo político?


This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Máis manipulación intencionada dos "Habitantes da Terra Media".

Fai uns días denunciéi a manipulación do xestor do blogue Ártabra21, blogue que supostamente representa a un colectivo, nada máis lonxe da realidade, pois mesmo é xestionado e manipulado con mala intencicionalidade.

Agora anuncia as Xornadas sobre o Saneamento da Ría de Ferrol, que organiza a SGHN, Verdegaia, e a AA.VV do Pilar, atribuíndo unha das conferencias doutro acto as mesmas.

Atribúelles a charla do arquitecto Alber Cuchi, que pertence ao Ciclo de Conferencias; "Ferrol Rexeneración Urbana e Recuperación Económica", organizado pola Federación de Asociacións Veciñais de Ferrol, Roi Xordo, e o Colexio Oficial de Arquitectos de Galicia. 

Isto faino despois de ter omitido o comunicado do devandito acto, e pese a escoitarse claramente no audio que publica que a charla é organizada por outros colectivos.

Dende a Federación de Asociacións Veciñais de Ferrol, Roi Xordo, puxéronse en contacto co xestor do blogue para que rectificase a noticia manipulada, pero este fai oídos xordos.

Iste é o segundo correo que mándaselle:

Hoxe aínda segue sen arranxar a manipulación das Xornadas da COAG e Roi Xordo por parte da persoa ou persoas que xestionan o Blog de Artabra 21 e segue aparecendo unha información desas xornadas (que non se publicitaron no voso blog e agora se utilizan) dentro do anuncio dunhas xornadas sobre o saneamento da Ría.

A pesar do correo que recibimos ás 22:40 de onte, e a pesar das reiteradas queixas a situación segue igual. As persoas que formades parte do Colectivo Artabra 21 debedes resolver o grave problema de como se está xestionando o voso Blog e de si ese é o blog dun colectivo ou é un blog persoal.

O mesmo aviso fáiselles chegar dende a AA.VV de Esteiro.

Desde a Asociación Veciñal de Esteiro, como compoñentes de Roi Xordo, ESIXIMOS a correción inmediata dunha nova referida ás Xornadas organizadas pola Federación Veciñal Roi Xordo e o Colexio de Arquitectos de Galicia, que se incrusta, de maneira intencionada e manipulando a realidade, dentro dunhas xornadas que se van celebrar no mes de novembro sobre o saneamento da Ría.

Pensamos que os membros de Artabra21 deben fiscalizar o que se publica e como se publican as cousas no voso Blog, xa que a responsabilidade e de todas e todos vos.

É VERDADE QUE HAI "Mala gente que caminha e vai apestando à terra", eses son os "Habitantes da Terra Media"

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

Os "Habitantes da Terra Media"

Quen son o Colectivo Ártabra 21?..., o mal chamado colectivo confórmano unha decena de persoas, uns con máis e outros con menos actividade social. Pero o xestor deste blogue é unha soa persoa, que pola súa conta e risco (gústalle o perigo) adicase a ensuciar o labor dos colectivos cidadáns, sindicais, e políticos de esquerda.



Imos aos feitos:

Hai pouco o xestor de Ártabra 21, publicou un articulo na revista dunha Asociación Cultural, baixo o titulo:

“A loita por unha vivenda digna e adecuada, aquí e hoxe”

Metendo a gamba deste xeito no seu primeiro parágrafo

Na Rede de Apoio Mutuo de Ferrol Terra, abordamos no seu día un caso significativo dunha moza e un mozo, sen recursos económicos, cunha filla pequena. Despois de “solucionado” o seu desafiuzamento nas vivendas sindicais, ao pouco sumouse-lles outro problema. O mozo, ou pagaba unha multa de 1.080 euros, ou entraba en prisión para cumprir 6 meses. O mozo era usuario de Lazos Pro Solidariedade, e estaba nun programa de inclusión sociolaboral, admitido nun curso de capacitación profesional a punto de comezar. Á prisión por pobre!, cando estaba a punto de resolver, temporalmente, algúns dos seus problemas. Non podiamos permitir tal inxustiza, polo que desde a Rede, decidimos impedir que entrara en prisión. Entre as achegas da familia máis próxima e o préstamo do “Peto Solidario”, conseguimos pagar a multa......

O que este señor non conta, é que as persoas que asistimos ás reunións para decidir se axudar a esta persoa, acordamos por unanimidade non facer publico nunca o acontecido, entre eles/as estaban tamén membros da Asociación que logo fai publico este merdo-artigo. O grave xa non é que conte a anecdota, vai máis alá, pois cos datos que aporta calquera que busque en internet a noticia do desafiuzamento en San Pablo, poderá ver a identidade da persoa á cal libramos dunha condea.

Esta persoa, que vai de asemblearia, en ningún intre comunica aos seus compañeiros que vai escribir esta merda, e para cubrirse faino baixo o pseudónimo de "Xan do Couto".

O que demostra que é un covarde, covardía que deixa de novo patente nunha das súas últimas merdas escritas en Ártabra21, baixo o titulo:

"Mala gente que caminha e vai apestando à terra"

Referíndose no mesmo a compañeir@s que "petaron na mesa" e decidiron deixar de participar no "Desencontro Social", a maioría deles/as acusándoo a el e a outros de tutelar e manipular este.

Estes/as compañeir@s sufriron dende ese intre todo tipo de ataques persoais por parte deste señor, e por parte dos "Habitantes da Terra Media", eses que queren estar en todo polo simple feito de aparecer na foto e erixirse como voceiros de afectados.

A penúltima machada publicada neste blogue faina cando realiza o chamamento para paralizar o desafiuzamento de Cabanas, no cal permítese facer estas afirmacións:

"Este desafiuzamento é consecuencia dunha situación de VIOLENCIA MACHISTA"

"O ex-marido, esta procesado por violencia de xénero, a espera de xuízo"

Sandra necesita a axuda, a protección e o apoio que a maquinaria xudicial non lle facilita, frente ao seu agresor, e para parar un lanzamento inxusto.

Onde aparece a palabra "SUPOSTO"?

No chamamento garda en todo momento a privacidade de datos de Sandra, a suposta afectada, pero non se corta un pelo cando envorca o resto de información, dando o nome, apelidos, e profesión do suposto maltratador, o mesmo que fai cando fala da persoa que mercou legalmente esta vivenda, chegando a dicir o negocio que rexenta.

Agora fáiseme chegar este correo dende acosadosenferrol@gmail.com

Ante as novas aparecidas nos medios de comunicación sobre un caso de desafiuzamento e violencia machista reiterada, non se debe permitir que os convocantes “Rede de Apoio Mútuo”, “Stop-Desafiuzamentos” e “Foro Social” todos eles de “Ferrol-terra”, acosen impunemente, faltando a verdade e manipulando a información, polo seu irresponsable e perverso interese "político" e o dos que lles serven sen vergoña:

1º Sobre a demanda por venda fraudulenta do chalé de Cabanas,á que fan referencia os colectivos, existe unha sentenza que da toda a razón a Jorge Salgado (ex-marido e suposto acosador) e condenan en custas Sandra e a súa irmá. Sentencia 131/2013 do Xulgado de 1ª Instancia de Ferrol.

2º É certo que Sandra, hai case 3 anos, denunciou a Jorge, por feitos que el defende que son totalmente falsos e polos que a xuíz non tomou ningún tipo de medidas, estándo pendentes de ser xulgados. A presunción de inocencia aínda existe neste país.

3º O Xuíz designou como domicilio familiar outra vivenda de Pontedeume (propiedade de Jorge) e autorizou a vender o chalé de Cabanas, coa intención de que este puidese facer fronte á pensión alimenticia do seu fillo. Antes de vender a casa, Jorge estaba obrigado a pagar a hipoteca da casa e a pensión alimenticia. Ela ten unha vivenda e non queda na rúa.

4º En todo este tempo, nin Jorge, nin o seu ámbito foron condenados polas denuncias de Sandra. Ningunha, nunca, nin unha soa vez. Eles saíron sempre absolvidos, pola contra... Sandra FOI CONDEADA entre outras por: - INCUMPRIMENTO DE OBRIGAS FAMILIARES. Sentenza 00439/2013 da sección 2 da Audiencia Provincial Da coruña) - AMEAZAS E VEXACIÓNS a xente do ámbito de Jorge. Sentenza 317/12 Xulgado de Instrución 1 da Coruña. - Impúxoselle unha ORDE DE AFASTAMENTO por 6 meses, onde se lle impedía achegarse a Jorge, e a varias persoas do seu ámbito. Xulgado de Instrución n.º 2 de Ferrol. 

5º Ademais, debe saberse que Sandra e a súa nai, (antes de casarse con Jorge) tiñan unha empresa financeira:CREDI LUGO S.L. que se dedicaba a "prestar diñeiro" á xente desesperada por non poder facer fronte aos pagamentos das súas hipotecas.

6º O concelleiro XXX (OMITO O NOME) ten inimizade persoal e política, pública e manifesta (nos xulgados), contra Jorge e o seu irmán.

Quedamos a espera das rectificacións públicas pertinentes

Pois vou ter que darlle a razón ao xestor de Ártabra 21, hai "Mala gente que caminha e vai apestando à terra" pero estes son eles, os "Habitantes da Terra Media" (Terra deles, que por onde pisan non volve saír a herba)

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

"Carga de Dignidade"

Parte do colectivo de artistas e creadores que levaron a cabo a “Burla Negra” pola catástrofe do Prestige, agrupados agora en “Radio Buguina” estarán o próximo domingo na porta principal de Navantia Ferrol, no barrio de Esteiro, para organizar, de 11 a 14.00 horas, unha "acción artística popular". 

Trátase de seguir o exemplo daqueles traballadores/as dos Astaleiros, que nun arrouto de dignidade penduraron os seus buzos de traballo na reixa da factoría. 

Por todo isto, ante a crise e ataques sociais que padecemos, decidimos rematar este “Monumento á Dignidade”, chamando a toda a cidadanía galega e de Ferrolterra, a pendurar súas pezas de roupa na reixa da factoría. 

O acto estará retransmitido en directo por Xurxo Souto para Radio Buguina, que fará de locutor - animador do evento, realizando entrevistas ao vivo.

Tamén se amenizará o mesmo con distintas actuacións, tanto poéticas coma musicais.

Organizan:

Comités de Empresa de Navantia e delegados/as da Industria Auxiliar. 

Sindicatos: 

Comisiones Obreras (CC.OO), Confederación Intersindical Galega (CIG), Unión Sindical Obreira (USO), Union Sindical de Traballadores de Galicia (USTG), Unión Xeral de Traballadores de Galicia (UXT-UGT). 


Partidos políticos:

ANOVA, Bloque Nacionalista Galego (BNG), Compromiso por Galicia (CxG), eQuo, Espazo Ecosocialista Galego (EcoSoGal),Esquerda Unida (EU-IU), Partido dos Socialistas de Galicia (PSdeG-PSOE).


Outros colectivos sindicais e movimentos políticos:

Asociación Unificada de Militares Españois (AUME), Mocidade Nacionalista Galega (MNG), Sindicato de Estudantes,Sindicato de Traballadores do Ensino de Galiza (STEG).


Asociacións e Colectivos:

Asociación de Escritoras e Escritores en Lingua Galega (AELG), A. C. Fuco Buxán, A. C. Lefre de Caldereta, A. C. Lendo Poesía, A. C. Medulio, Asociación Galega de Vitimas do Amianto (AGAVIDA), Asociación Memoria Histórica Democrática, Ateneo Ferrolán,Colectivo Acción Directa de Recuperación de Espazos Públicos, Colectivo Ártabra 21, Colectivo Sociocultural A Revolta de Trasancos, Federación Veciñal de Ferrol (Roi Xordo), Marcha Mundial das Mulleres, Plataforma pola Defensa da Sanidade Pública Ferrol, Rádio FilispiM.

Manifesto



This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.

II Acción de Solidariedade polo despedimento dun traballador de Mercadona

"Terra da fraternidade..." cantaría o gran Zeca Afonso.

Onte foi unha gran xornada para @s traballadores/as de toda Galicia. En Ferrol, ante o despedimento dun traballador de Mercadona (supostamente este despedimento ven feito pola empresa, por este traballador ter secundado o dereito a Folga do pasado 29M).

Convocados polo comité de empresa de CC.OO de Mercadona, o hipermercado foi "tomado" de forma pacifica por representantes das forzas sindicais e algunhas formacións políticas da cidade. A esta xornada sumáronse @s compañeir@s da CIG, CNT, EU, USTG, UXT.

Quero transmitir meus parabéns a tod@s eles/as por acadar levar a cabo esta acción conxunta, demostrando o grao de madurez política e social acadado despois da gran "Noite de Piquetes" do 29M. (Abelleira, Secretario comarcal de CC.OO, o agradeceu publicamente)

Non imos con isto acadar formar un "Frente Popular" que derroque nas urnas ao P€P€, pero estou seguro de coa presión social conseguiremos mudar as inxustas e antidemocráticas reformas e faltas de liberdade.

Anécdota no Mercadona

Dende detrás da miña cámara (que é miña ferramenta para tentar dar difusión a loita social) onte procedín como sempre a facer a "tirada" de fotografías, lembrar que o pasado día 4, realicei o reportaxe da I Acción de Protesta.

Desta volta algo quíxose interpoñer nesta tarefa. Unha empregada de Mercadona (xeitosa e moi elegantemente vestida para traballar) adicouse a facer fotos d@s manifestantes e de min, eu estaba fotografando dende o "hall" de entrada, a empregada achegóuseme e díxome que non podía estar alí facendo fotos, nese intre xa me sentín realmente agredido, pois dentro do hipermercado os manifestantes, empregados e clientes, estaban gravando con distintos dispositivos.

Sentinme o parvo da "festa", máis, tendo en conta que na anterior xornada de protesta eu permanecín en dito "hall" durante toda a protesta (tal como se pode ollar neste álbum de fotos) Foi entón cando decidín entrar e púxenme a facer fotos dende dentro.

Esta empregada mandoume ao garda xurado, que tentou exercer civicamente a súa función, mentres, ela daba parte aos policías uniformados, tamén se achegou a darlle as queixas a outro non uniformado (que non teño o gusto de coñecer). Intre no que pensei que xa chegaba ben de fotos dende o interior e saín para fora, momento no que aproveitei para retratar a esta empregada e ao suposto encargado, que supostamente exercía a presión sobre o traballador despedido.

Quedoume a dúbida de se tal persecución por parte da empregada, foi por "morbo"? .. ou simplemente é unha máis desta "lexión de encargados fieis"..? (como ben contaba Ártabra21 neste artigo)

Desta persecución foi testemuña un compañeiro dun medio impreso, que incluso chegou a ofrecerme algunha foto no caso de que non me deixasen facelas.

Tamén quero deixar constancia de que non fago públicas as fotos d@s empregad@s nin das forzas públicas alí presentes.

Berro e reclamo liberdade para seguir exercendo libre e democraticamente meu cometido de DIFUSIÓN social !!

Crónica en Ártabra21

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.Wikio

Asemblea participativa cara a unha cidade mellor

Hoxe tivo lugar unha Asemblea Aberta para debater, suxerir e formular propostas nunha asemblea participativa cara a unha cidade mellor, e contra as agresións sociais por parte do Goberno Local do PP.

A convocatoria foi feita por:
A Comisión de Control Provisional do Regulamento de Participación Cidadá (RPC); A. Veciñal de Covas; A. Veciñal de S. Xurxo; Asociación S.C. López Bouza; A.Veciñal de Esteiro; A. Veciñal S. Pablo-Catabois; A.Veciñal O Rosario- Inferniño; A.Veciñal Prioriño; A. Veciñal S.Xoán- O Bertón; A.Veciñal Stª. Mariña; A.C. Fuco Buxán; Colectivo Ártabra21.

Na mesma estaban presentes compañeir@s do; BNG, CC.OO, CIG, EU, UXT, Mesas de Converxencia, 15-M, e moit@s outr@s preocupad@s pola política de privatización e despilfarro a base de recortes sociais.

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.Wikio

HOXE ASEMBLEA CIDADÁN ABERTA

A Comisión de Control Provisional do Regulamento de Participación Cidadá (RPC); A. Veciñal de Covas; A. Veciñal de S. Xurxo; Asociación S.C. López Bouza; A.Veciñal de Esteiro; A. Veciñal S. Pablo-Catabois; A.Veciñal O Rosario- Inferniño; A.Veciñal Prioriño; A. Veciñal S.Xoán- O Bertón; A.Veciñal Stª. Mariña; A.C. Fuco Buxán; Colectivo Ártabra21, varias persoas a título individuais, acordan ;

REXEITAR A ACTUACIÓN concreta de gastar máis de 700.000 € para a Praza de España coa desculpa de crear un pulmón verde.

Temos coñecemento de que o goberno local proxecta unhas supostas melloras da Praza de España, onde como ven sendo habitual os cidadáns non fomos consultados e descoñecemos como vanse investir estes 700.000 €, o cal nos parece unha cantidade excesiva e unha desmesura.

Este mesmo goberno tiña proxectado no seu anterior mandato un edificio comercial de 21 mts de altura, que supoñía privatizar unha parte da Praza de España. Recuperar ese espazo, custounos ós cidadáns 6 millóns e euros.

Doutra banda, parécenos unha cifra esaxerada cando temos nesta cidade outras necesidades máis importantes e outras prioridades, estamos vendo como recortan dereitos sociais e se pechan comedores sociais e outros que estaba previsto abrir non se fala deles.

Estanse recortando, de maneira esaxerada, as subvencións a entidades de carácter asistencial e se queren tirar outros 700.000 euros na Praza de España

Queremos lembrar que houbo un acordo de participación cidadá para destinar un dos edificios a ser un FORO CIDADÁ con contidos de caracter social e cultural como charlas, asembleas, sala de exposicións, lectura e lugar de encontro cidadá.

Por este acordo, faise unha AUTOCONVOCATORIA a TODA A CIDADANÍA e ENTIDADES SOCIAIS para HOXE DÍA 27 DE MARZO (Martes) ás 19:30 h da tarde na Praza de España- Porta Nova para debater, suxerir e formular propostas nunha asemblea participativa cara a unha cidade mellor.

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.Wikio

AO FIN IMOS CONVERXENDO POLA DIGNIDADE SOCIAL.

Todo un exemplo de Converxencia Social o que tivo lugar hoxe na Praza Amada García. A concentración na defensa do ensino público convocada pola Federación de Anpas de Ferrolterra asistiron compañeir@s dos sindicatos, partidos políticos, e varios colectivos da comarca; CIG, CC.OO, UXT,CNT, EU, BNG, PSOE, 15M, Mariscadores/as, Fuco Buxán, Colectivo Ártabra21, Rede de Converxencia Social, Refundación da Esquerda, e un amplo etc de DIVERSIDADE... (a todo isto, matizar que non digo que fixeran convocatoria, pero moit@s ESTABAN).


Todo un exemplo a seguir para as vindeiras movilizacións que se aveciñan pola defensa do público, do traballo, e da DIGNIDADE SOCIAL.
This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.Wikio

"Ladran, porque cabalgamos Sancho"

Trabajo realizado por los compañeros de ÁRTABRA21

Unha vez máis, Reganosa sae aos medios de comunicación, este fin de ano, cunha campaña de imaxe e medias verdades, posibelmente elaborada pola redacción da axencia INCIS, empresa de Santiago de Compostela, contratada desde o 2001 pola empresa regasificadora. A campaña de imaxen busca contrarrestar a denuncia do Comité Cidadá de Emerxencia para a Ría de Ferrol, de que a planta de Mugardos estaba a baixo rendemento, moi por debaixo da súa capacidade operativa. Para mostra, basta ver a lista dos buques gaseiros que arribaron ao terminal de Punta Promontorio, só 17 dos 50 previstos no proxecto. Esta denuncia demostraba que a Planta Regasificadora é a todas luces innecesaria, tendo en conta ademais o peche do gasoduto de Tui que abastecía á rede na Galiza, con gas moito máis barato. Ante a reacción da empresa frente a esta denuncia só queda decir "Ladran, porque cabalgamos Sancho ".

Leer en: http://artabra21.blogspot.com/2010/01/ladran-porque-cabalgamos-sancho.html