Segue a agresión a "O Courel" por parte do P€P€

O Presidente da Xunta de Galicia na rolda de prensa triunfal, posterior o último Consello da Xunta de Galicia, do 3 de febreiro, faltou a verdade no minuto 13:48 da gravación oficial cando se refire o Parque eólico Serra do Oribio como” instalado sen funcionar”,cando o parque está aínda sen instalar. Falou así, supostamente, para dalo xa por feito, sen remedio, sen volta atrás e eludir o gran escándalo e despropósito que suporá instalar, a partires de agora, uns xigantescos artefactos metálicos e un labirinto de pistas e instalación eléctricas, coroando o mellor bosque do Territorio Histórico do Camiño Francés, Patrimonio Mundial, declarado pola UNESCO, e no interior do mellor espazo natural de Galicia, protexido pola Rede Natura, O Courel.

http://www.xunta.es/opencms/system/modules/es.xunta.portal.contidos/elements/visorVideo.jsp?rutaexterna=%2Fc%2Fdocument_library%2Fget_file%3FfolderId%3D346868%26name%3DDLFE-10403.mp3

Por se fora pouco e inmediatamente, a partir do minuto 14:30, pormenoriza e expón extensamente os récords económicos e turísticos do Xacobeo 2010. Durante a súa exposición da a entender que o éxito débese exclusivamente “ á marabillosa xestión” da Xunta, obviando o Camiño, a Catedral e o Apóstolo Santiago, ós que non se refire en ningún momento, polo que supoñemos que a partires de agora o Xacobeo farase cada ano, os peregrinos empaquetaranse todos no ave e obrigaráselle a visitar, antes de nada, o Gaiás.

O Presidente non pode facerse agora o nórdico co tema do Oribio, porque o luns anterior, o 31 de xaneiro, a petición do Goberno Galego, altos cargos da Xunta entrevistáronse cunha delegación do ICOMOS, que viñan de visitar a Serra do Oribio, día en que lle comunicaron tamén, que ían solicitar á UNESCO, a inclusión do Camiño na Lista de Patrimonio en Perigo.

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.Wikio