S.O.S posibles menores en perigo no buque Lafayette

Fai uns días denunciei a posible falla de xustiza en torno ao caso do buque Lafayette, con posibles menores traballando nel.

Ese buque, REPÍTOME, DEUSE Á FUGA TRAS SER ARQUIVADA A DENUNCIA POR PARTE DO FISCAL XEFE DE FERROL

Coa axuda dunha compañeira (Elena), realizamos o seguimento do mesmo, podendo observar que se dirixía ás Palmas.

Implicada, como sempre, Elena colleu o teléfono, e sen "cortarse un pelo", chamou a Capitanía Marítima das Palmas, e logrou falar co Coordinador de Seguridade do devandito porto, explicoulle o acontecido en Ferrol, e deixoulle constancia de que nese barco podería haber menores traballando, (falamos de nenos de 10 a 13 anos).

Automáticamente púxose en contacto conmigo. Estaba moi nerviosa, pois a verdade, non é algo no que teña practica, e eu tampouco. Remitiume o número de contacto de Capitanía Maritima das Palmas, e sen perder nin un segundo, collín o teléfono. Eu tardei varias horas en dar falado co Coordinador de Seguridade do Porto, unha vez en contacto con el, extracteille todolo acontecido en Ferrol, así como a nosa inquietude, pola falta de rigor xudicial, e o que criamos que era unha omisión de funcións, que quedaba patente no recolleitado polos diarios que falaban do caso.

O Coordinador de Seguridade, resultou ser un galego da Coruña, unha persoa estupenda que escoitou atentamente o que eu lle dicía, para máis inri, vivira en Ferrol, e gardaba gratas lembranzas da cidade. Pero non podía intervir sen unha denuncia física, aínda que se que me garantiu que o martes, (data da entrada do buque), estarían atentos a todo o que poidesen dentro das suas limitacións.
Trasladei o asunto a Yolanda Díaz, de EU de Ferrol. E como era de esperar nela, Yolanda involucrouse, púxose de inmediato en contacto cos compañeiros de EU das Palmas. Mentras, pola miña conta, seguín difundindo a noticia a distintos entes da Illa. E a cousa "marchaba", moit@s compañeir@s esperaban cos "brazos abertos", a que o buque atracase.

Sería cuestión, de que as autoridades xudiciais fixesen na Illa, o traballo, que NON SE REALIZOU EN FERROL. PERO SORPRESA;

O martes ás 09.00 horas non entrou, (estivo atracado a poucas millas do porto). Con todo, sobre as 21.00 horas deste mércores, cando se aproximaba á baía, e a pesar de que solicitara permiso de atraque á Autoridade Portuaria, o buque modificou bruscamente o seu rumbo e afastouse da Illa en dirección nordés. Á primeira hora deste xoves, o Lafayette xa se atopaba a máis de 44 millas

Antecedentes do feito;
Foi un traballador dos estaleiros quen, tras consultalo con asociacións como Save The Children e Amnistía Internacional, presentou senllos escritos ante a Fiscalía Xeral do Estado e a sección de menores da Fiscalía Provincial da Coruña para denunciar que vira polo menos a unha decena de nenos de entre 8 e 14 anos traballando no interior do buque.

“Ao principio imaxineime que eran familiares dos mariñeiros, pero cheguei a ver a algúns deles cargando sacos de arroz de 25 quilos. Só saían pola noite, polo día estaban escondidos”, relata o traballador en declaracións a CANARIAS AGORA. A denuncia foi presentada o 22 de novembro, data na que, segundo a Fiscalía de Ferrol, establécese o dispositivo policial e arrinca unha investigación que arquiva dous días despois ao non apreciar “indicios de presenza de menores a bordo”. Horas despois desta decisión, o buque partiu cara a Las Palmas de Gran Canaria, a pesar de que a súa intención era permanecer polo menos dous meses máis no porto galego.

A Fiscalía recoñece que non se puido rexistrar todo o buque ao non contar cos permisos de estranxeiría e da embaixada de Rusia. (PORQUE TAMPOUCO OS SOLICITARON)

“Podo confundirme en se tiñan 12, 13 ou 14 anos, pero algúns me chegaban pola cintura. Outros non terían máis de 10 anos”, asegura o denunciante, quen insta as autoridades a revisar as cintas das cámaras de seguridade do recinto portuario, que “abarcan todo o estaleiro, teñen visión nocturna e gárdanse máis dun mes”.

O traballador afirma que algúns dos seus compañeiros chegaron a acceder ao interior do buque despois de que se despregase o dispositivo policial e que viron aos menores “confinados na cociña”. “Debían estar avisados, porque non baixaron do barco máis”, sinala.

No escrito presentado ante a Fiscalía, o denunciante apunta que os nenos “traballaban máis de 10 horas ao día, apenas tiñan roupa, estaban en sandalias e durmían sobre cartóns”. Ademais, incide en que outros traballadores estarían dispostos a declarar como testemuñas, pero non a denunciar por “medo a represalias laborais”.

AGAMME (Asociación Galega contra ou Matrato ao Menor) fixo un chamamento a outras asociacións similares para que “defendan os dereitos dos menores e actúen alá onde vaia o buque, en espera de que ningunha Fiscalía actúe da maneira que o fixo a da Coruña”.


A noticia da Fuga nas Palmas é recollida de: http://www.canariasahora.com/noticia/208532/


Esta é a posición actual do Lafayette, a unhas 46 millas ao norte da Illa


O FISCAL DE FERROL TEN UN NOME..E TODALAS ASOCIACIÓNS, PARTIDOS, E SINDICATOS, DEBÍAN PEDIR A RETIRADA DESTE,

A DIRECCIÓN DOS ASTALEIROS PENSO QUE TEN UNHA GRAN CARGA DE RESPONSABILIDADE NO ACONTECIDO.
Esta foi miña denuncia o día da "TOCATA E FUGA" de Ferrol

O pesqueiro Lafayette, a maior factoría flotante de pesca do mundo que se atopaba en reparación nos estaleiros de Navantia - Ferrol, e sobre o que se interpuxeron varias denuncias sobre a posible existencia de nenos chineses menores de idade traballando a bordo, "FUXIU" , nada máis coñecer a decisión da Fiscalía de arquivar a denuncia.

Non se puido rexistrar todo o barco, as investigacións policiais tiveron que limitarse ao exterior do buque, xa que o seu interior é territorio estranxeiro, e os funcionarios de Estranxeiría só puideron acceder ao mesmo para realizar unha inspección rutineira de comprobación de pasaportes xa que se necesitarían os permisos de Estranxeiría e da Embaixada de Rusia. A Fiscalía NON os solicitou. E resolveu o arquivo das dilixencias, dado que según esta a probabilidade de que houbese menores entre a tripulación é case nula, e asegurouse que, no caso de contar cunha base minimamente sólida, darían os pasos necesarios en defensa dos menores.

¿¿??

Testemuñas que traballan nos estaleiros insisten en que "vimos a nenos cargando sacos de cereais"

As denuncias facían referencia á presenza no barco de pequenos, de entre 10 e 12 anos, que «apenas tiñan roupa e estaban en sandalias».

O denunciante, viu aos pequenos cando se atopaba pescando na súa lancha pola ría. Este denunciante afirmou; que viu asomarse no buque a uns nenos, que chegaron a estar ao seu lado, pero pensou que podería tratarse de familiares dos tripulantes. Con todo, pouco despois comprobou que eses mesmos mozos subían pola pasarela cargando fardos, e falouno con outras persoas, que lle confirmaron que os menores traballaban no barco e durmían sobre cartóns. "Estes nenos están indefensos, traballan máis de dez horas ao día; eu os vín e todo o mundo viunos. A xente do estaleiro non ten problemas de ir de testemuñas, pero ninguén quere denunciar por medo a represalias laborais".

O denunciante asegura que bombeiros de Navantia, que foron os únicos que accederon ao Lafayette, tamén llo confirmaron. Tamén manifestou ao Diario de Ferrol que se non estivese seguro do que vira non se tomaría tantas molestias. "Son adulto e teño fillos", engadindo que de dez ou doce mozos que viu, "tres non superaban os 12 anos".

O consignatario do buque, Antón Martín Shipping, cualificou os feitos denunciados de «pura mentira». Sostén que efectivos policiais investigaron os feitos a bordo, reclamando os pasaportes e os cadernos dos mariños, e non atoparon menores.

Navantia "Lanza balóns fóra" e ¿Pecha bocas?
Dende a dirección da compañía din que a inspección de Aduanas non detectou presenza de nenos a bordo. Así mesmo destacan que "como estaleiro limítase a efectuar as reparacións no buque que lle foron encargadas polo Armador e non ten responsabilidade algunha na tripulación cousa que compete exclusivamente ao Armador do buque", e recalcan que non detectaron a presenza de menores na tripulación.

As testemuñas e o autor da denuncia insisten en que "a bordo había nenos de 13 anos que non nos chegaban á cintura, que traballaban en chanclas transportando sacos de cereais máis de dez horas ao día, e que durmían sobre cartóns". Os escritos dirixíronse á Sección de Menores da Fiscalía Provincial da Coruña e á fiscal de Protección e Reforma de Menores da Fiscalía Xeral do Estado. Os denunciantes, traballadores dos estaleiros, estiveron asesorados por Save the Children.

http://www.elcorreogallego.es/galicia/ecg/archivan-investigacion-existencia-ninos-trabajando-un-pesquero/idEdicion-2011-11-24/idNoticia-714963/

Nota de prensa da denuncia Donde se contan os problemas que tivo para entrar nos astaleiros, e como esto é unha fuga en toda regla

A Subdirección Xeral de Pesca Marítima prohibiulle nun principio a entrada en Ferrol, como así o manifestou o deputado Arsenio Fernández de Mesa, en declaracións a un medio de comunicación local . Aínda que o buque si que contaba cos permisos de entrada, tanto da Autoridade Portuaria como da Capitanía marítima de Ferrol.

O Lafayette entrou en Ferrol o 11 de outubro para someterse a un período de reparación de tres meses. No estaleiro de Fene realizáronselle traballos de chorreo e pintado.

Moito axilizou Navantía o encargo, ou é que non se chegou a completar pola "fuga" ¿?¿?

Cando onte o fiscal resolveu o arquivo, o megabuque xa estaba a realizar as manobras para abandonar as instalacións de Navantia-Fene.

Sexa como sexa, o barco "LISCOU" (ao meu modo de ver) POR INDIFERENCIA DE MOITOS.

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.Wikio