Mañá terá lugar un "intento" de desafiuzamento en Esteiro

Mañá mércores, día 23 de maio, ás 11 horas vai producirse un desafiuzamento de Yolanda G. F. de 38 anos e divorciada.

Actualmente non percibe ingresos, aínda que ten o Risga concedido polo fillo de 4 anos que ten en custodia, pero sen cobrar polo de agora. (Seu fillo está escolarizado polos servizos sociais do Concello de Ferrol)

Este desafiuzamento non é como outros, neste caso no é un embargo bancario, trátase de que esta vivenda era propiedade da súa nai, e supostamente foi "usurpada" nos despachos por parte doutros membros da súa familia.

Sexa como sexa, a "merdo-xustiza" (que non é para os pobres) é a encargada de executar sempre estas accións contra a dignidade das persoas. Cumpre que as institucións do estado artellen xa unha lei de protección as persoas, tal como recolle o artigo 47 da Constitución, no que di cos poderes públicos velarán polo dereito a vivenda.

O "intento" de desafiuzamento terá lugar mañá Mércores, ás 11:00h. na Rúa Soto nº 1-3.


A Asociación Veciñal de Esteiro fixo un chamamento no que fan constar estes puntos:

• DEMANDAMOS do Alcalde de Ferrol e da Concelleira de Benestar Social do Concello de Ferrol que actúen como mediadores impedindo o lanzamento da citada veciña de Esteiro de do seu fillo e, en todo caso buscando unha solución alternativa que impida que un neno e a súa nai queden na rúa.
  

• LEMBRAMOS que o Pleno do Concello de Ferrol acordou a constitución dunha mesa de desafiuzamentos que permita que o Concello de Ferrol medie entre as partes para buscar unha solución con garantías para todos.

• Desde a Asociación Veciñal de Esteiro non entramos a facer ningún tipo de valoración de carácter moral ou legal, pero o que si entramos é en defender que se busque unha solución para que unha muller e o seu fillo de catro anos, e en pleno curso escolar, non fiquen na rúa a partir do mércores día 23 de maio e faremos canto poidamos para evitalo.

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.Wikio