Máis de 5.000 persoas na Manifestación en Defensa da Sanidade Pública

Máis de 5.000 persoas tomaron hoxe as rúas de Ferrol, en defensa da sanidade pública. A mesma partiu pasadas as 12:00 h dende a Praza de España, e finalizou na Praza de Armas, lugar no que se deu lectura ao Manifesto unitario .

Rescato estes puntos do manifesto, por parecerme clarificadores do que está a suceder na bisbarra:

• Segue pechado sen ningunha razón o Consultorio Médico da Graña, a pesar de que nun Pleno do Concello de Ferrol, e por  unanimidade, acordarase demandar da Xunta de Galicia a súa reapertura inmediata, cousa que non fixo o aínda Alcalde de Ferrol, José Manuel Rey Varela, nin diante da Consellería de Sanidade nin diante da Xunta de Galicia. Ese é o compromiso de José Manuel  Rey Varela coa cidade de Ferrol.

• Tamén se acaba de pechar o Consultorio do Seixo en Mugardos.

• Falase xa de pechar o consultorios de Ferrol Vello, Maniños, Pedroso, o Val, Mera e Espasante e tamén da supresión de Puntos de Atención Continuada en Concellos pequenos.

• Non hai orzamento, no 2013, para a construción dos novos Centro de Saúde de A Capela, Cedeira e Narón .

Manifesto completo

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License. Wikio