RECORTAR RECURSOS É ATENTAR CONTRA A IGUALDADE

25 de novembro, Día internacional contra a violencia machista

feminista
internacional, o exercicio da violencia de xénero,día a día, non é só e unicamente o noso asasinato e o noso maltrato físico e psicolóxico de maos do maltratador,esta é a face mais dramática porque nos tira a vida. O maltratador mata, vexa, denigra, priva de liberdade, abusa...
Mais tamén exerce violencia de xénero quen propaga ideas e conceitos que perpetuan os valores patriarcais,quen lexisla en contra dos direitos das mulleres ou non vela polo cumprimento integral das leis existentes, quen priva as mulleres dos recursos para a igualdade, e nega a utilidade das accións e políticas para a igualdade; quen actúa con hipocrisía ao rasgarse as vestiduras cada vez que nos asasinan e nos
insulta e despreza privadamente e no ámbito público,en definitiva, quen nos trata como obxectos e non suxeitos de dereito e cidadás.Portanto promoven a violencia de xénero contra todas as mulleres, os organismos e institucións que dan azos á perpetuación dos valores patriarcais:

só podemos ser nais, convertendo a maternidade
no único fin social para o que sermos educadas;ao valor da sexualidade pasiva, para non darnos ocasión para exercer os nosos dereitos sexuais e reprodutivos;á idea da reclusión no traballo dos cuidados e no ámbito do privado, para impedir a autonomía económica das mulleres e a nosa participación social na toma de decisións.
Quen colabora na perpetuación dunha sociedade patriarcal, sexa goberno ou oposición, organización social pública ou privada, igrexa ou estado, está pondo os baseamentos para que se siga torturando e asasinando as mulleres.
Cando coa escusa do benestar común se responsabiliza da baixa natalidade ás mulleres, en vez de corresponsabilizarense as institucións na creación dos recursos precisos para exercer a maternidade libre e responsabelmente e poder aceder ao mercado laboral en igualdade.
Cando se fala de crise do modelo tradicional de familia,sabendo que este modelo está baseado na subordinación das mulleres.
Cando se obvian propositadamente outros modelos de convivencia e se queren legalmente asimilar ao modelo heteronormativo.
Cando se fala dos dereitos dos non natos para que non poidamos exercer os nosos dereitos reprodutivos.
Cando se fala da tradición para pór en positivo os valores que historicamente xustificarom o exercicio da violencia contra as mulleres.
Por iso o feminismo nestes tempos de crise da igualdade ten que apostar mais que nunca por avanzar nunha nova sociedade igualitaria na que non teña cabida a violencia de xénero e comezamos por denunciar as faces que esta ten, e os axentes dela...
Denunciamos a face institucional, que se manifesta no abandono dos recursos para a a atención ás persoas dependentes e a corresponsabilidade, en nome da merma dos recursos económicos; e na eliminación dos recursos para a igualdade, “ninguneando” a
necesidade de seguir avanzando na acción positiva a prol das mulleres.
Denunciamos a face educacional, que se manifesta na carencia de estratéxias educativas serias que abran a porta a novos valores sociais desde a escola,
e para a igualdade.
Denunciamos a face familiar, cando se atribuem cualidades falsas á familia chamada tradicional e se esquece propositadamente a necesidade de configurar novos modelos de convivencia en igualdade.
Denunciamos a utilización intencionada da figura dos nosos filhos e filhas para empregalos como escusa para propagar umha imaxe manipulada da maternidade,e de esquecer que tamém padecem a violencia de xénero.
Denunciamos a cumplicidade programada, fomentada e procurada desde as instancias do poder político,das organizacións pró-vida para recortar os dereitos sexuais e reprodutivos das mulleres e exercer presión sobre as mulleres que se vem na situación de ter que abortar.
Non podemos consentir que en nome da tradición, a familia e os dereitos da infancia se sacrifiquen os dereitos conseguidos, os logros alcanzados polas mulleres e se pretenda restrinxir a nosa cidadanía.
Para que non retroceda a cidadanía das mulheres e con isto avance a paso axigantado a violencia machista reclamamos leis igualitarias, perspectiva de xénero nas nosas legislacións, decisións políticas responsábeis e preservación dos recursos para a
igualdade.

This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License.Wikio