17 oct. 2012

Concentración contra a represión policial, e en solidariedade co compañeiro Pintos.

ÁS 12:00 H, DIANTE DO EDF DA XUNTA DE GALICIA, (PRAZA AMADA GARCÍA)

Tras a denuncia presentada por Xesús A. López Pintos, contra un policía nacional por supostas agresións dentro do cuartel policial da Avda. de Vigo, tódolos sindicatos da comarca se unen nunha concentración solidaria co compañeiro e cidadán supostamente torturado, e en contra de calquera exceso policial. 

Esperemos que se esclareza pronto este asunto e cada un saiba asumir democráticamente o papel que nos toca xogar na sociedade, uns que loitan polos dereitos e a dignidade social, (incluída a dos policías e familiares destes), e as forzas de seguridade, que en ningún caso poden converterse en todo o contrario.

Fago un chamamento a tod@s para que nestes intres de crispación, malestar e agresión aos dereitos sociais por parte do desgoberno do P€P€, saibamos estar á altura das circunstancias.

Os políticos, policías e o resto da sociedade acomodada, ten que saber entender estas protestas e situacións incomodas para tod@s, pois moita xente xa non pode levar para a súa casa nin un bocado de pan. 

 Para abaixo soamente se debe mirar alguén para axudarlle a levantarse!!


Creative Commons License This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License. Wikio

No hay comentarios: