30 jun. 2011

O Sábado presentase a "Iniciativa BenComún"

Este sábado, día 2 de xullo, celebrarase en Compostela a primeira asemblea aberta da Iniciativa BenComún. O evento comezará ás 16:30 e terá lugar no salón de actos da Faculdade de Ciencias da Comunicación (ver mapa).


Esta é a proposta de principios éticos
 "Once teses para o ben común"

A orde do día será decidida na propia asemblea polas persoas participantes, e en principio está previsto que se aborden asuntos como


  • Presentación da Iniciativa BenComún. Por que nace, por que agora, con que obxectivos.
  • Presentación e debate da proposta de principios éticos e políticos "Once teses para o ben común".
  • Debate diagnóstico: carencias na esquerda nacional galega, tanto nas forzas políticas existentes como na esquerda social.
  • Debate propositivo: como contribuírmos colectivamente á superación das carencias detectadas no punto anterior.
  • Disolución do grupo promotor e substitución, se for o caso, por un novo grupo de dinamización das actividades e eventos cuxa realización se decida.
  • O que ocorrer (rogos e preguntas).
A seguir, inclúense algunhas informacións adicionais de interese:
Habería servizo de gardaría. É imprescindible que as persoas que vaian utilizalo o comuniquen con suficiente antelación para poder organizalo axeitadamente.
O uso do local ten un custo, que se propón sufragar mancomunadamente: a achega por persoa estará ao redor de 1 euro.
O envío de propostas está xa aberto a través de varias vías: respondendo esta mensaxe, participando no grupo público de debate en Facebook ou inserindo comentarios nas anotacións publicadas no noso blog.
Agradécese a difusión deste convite a todas as persoas que consideredes que poden ter interese nos asuntos a tratar.
Para as persoas que viven fóra do país e para todas aquelas que por calquera motivo non poidan asistir presencialmente, disponibilizaremos unha transmisión online a través de streaming e da nosa conta en Twitter.
Un saúdo moi cordial e moitas grazas polo voso apoio. Vémonos este sábado en Compostela.

BenComún
iniciativa trasversal cidadá
Desde a indignación preparando o futuro

+ info: 


Creative Commons License This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License. Wikio

No hay comentarios: