A convocatoria a pesar de organizarse con apenas 24 horas de antelación tivo un amplo seguimento. Foi un acto cargado de emotividade despois do último suicidio acontecido no País Vasco. Entre os asistentes destacaban membros de ANOVA, BNG, CxG, EU, PSOE, CC.OO, e da "Rede de Apoio Mutuo Ferrol Terra", que é a plataforma cidadá que aglutina a diversas asociacións e partidos da comarca co fin de dar unha resposta unitaria cada vez que se produce un desafiuzamento na bisbarra.
Na concentración deuse micro aberto a quen quixese expresarse, e varias das persoas que falaron sinalaron ao PP e PSOE, como o que son, principais cómplices dos mercados financeiros, e fíxose fincapé na necesidade de apoiar a Folga Xeral do vindeiro mércores, día 14.
A deputada Beatriz Sestayo, presente no acto, non quixo facer uso da palabra, pero si o fixo un dos militantes do PSOE alí presentes, que recoñeceu que o seu partido non fixo nada cando tivo oportunidade, e de que é o momento de facerse autocrítica e tentar emendar erros.
Hoxe sae publicado en diversos medios que o Sindicato Unificado de Policía (SUP) apoiará aos policías que aleguen obxección de conciencia á hora de intervir en desafiuzamentos.
This obra by susete70 is licensed under a Creative Commons Reconocimiento-No comercial-Compartir bajo la misma licencia 3.0 España License. Wikio
No hay comentarios:
Publicar un comentario